სიახლეები & ღონისძიებები

რაჭა-ლეჩხუმ-ქვემო სვანეთში ინფრასტრუქტურულ პროექტებზე მუშაობა აქტიურად მიმდინარეობს

,,წელს რაჭა - ლეჩხუმზე და ქვემო სვანეთზე რეგიონებში განსახორციელებელი პროექტების ფონდის ნაწილში 15 მილიონ ლარამდე თანხა იყო გამოყოფილი, აქედან დაფინანსდა 44 პროექტი, თუმცა არის კიდევ 2 პროგრამა რომლითაც ოპერირებენ მუნიციპალიტეტები. ესენია, სოფლის მხარდაჭერის პროგრამა და  ე.წ. სკოლების მცირე სარეაბილიტაციო სამუშაოები"-ამის შესახებ რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა რეგიონში სამუშაო შეხვედრისას  განაცხადა.

მინისტრის მოადგილემ რაჭა-ლეჩხუმ-ქვემო სვანეთის გუბერნატორთან არჩილ ჯაფარიძესთნ ერთად რეგიონში მიმდინარე ინფრასტრუქტურული სამუშაოები ადგილზე დაათვალიერა. ობიექტებს შორის იყო: ამბროლაურში მდინარე  კრიხულას ნაპირსამაგრი სამუშაოები და სპორტული მოედნის რეაბილიტაცია, ონში ბარი-მრავალძალის გზა, ონის ქუჩების კეთილმოწყობა, პიპილეთის საჯარო სკოლის რეაბილიტაცია,  ლენტეხის კეთილმოწყობის სამუშაოები, ცაგერში კეჭნარის სკვერის, ქუჩების ასფალტირება, სპორტული მოედნის რეაბილიტაცია.

,,ოთხივე მუნიციპალიტეტში პრაქტიკულად თითქმის ყველა პროექტის ნახვა მოვასწარით, რაც ყველაზე მნიშვნელოვანია,  სამივე მიმართულება რეგ. ფონდი, სკოლების პროგრამა და სოფლის მხარდაჭერის პროგრამა ძალიან აქტიურად მიმდინარეობს. მიუხედავად იმისა რომ 2 თვის განმავლობაში კოვიდის გამო პრაქტიკულად შეჩერებული იყო ყველა პროექტი, იმდენად კარგად განაახლეს ეს სამუშაოები რომ დაახლოებით  60% ამ სამუშაოებისა დამთავრებულია. მუნიციპალიტეტებში შეხვედრების შედეგად უკვე შეგვიძლია ვთქვათ რომ პრაქტიკულად დავიწყეთ მუშაობა 2021 წლის პროექტებზე, მათი განხილვა და თემებზე მსჯელობა."-აღნიშნა ილია ბეგიაშვილმა.